Sæjroen bïjre

Mij demense lea bïevnesh demensen bïjre sjïehteladteme almetjidie evtiedimmieheaptojne jïh kognitijve funksjovnegiehpiedimmine. Bïevnesh jïh daajroe leah vihkeles juktie jïjtse skïemtjelassem haalvedh, jallh daejredh guktie bööremeslaakan maahta aktivyöki barkedh naakenigujmie lïhke fuelhkine mah demensem åadtjoeh.

Mij demense  akte nedtesæjroe gusnie utnije bïevnesh åådtje teeksten, guvviej, animasjovnen jïh soptsesen tjirrh. Minngemosth akte quiz aaj dorjesovveme mij sisvegem iktede. Maahta sæjrojde oktegh lohkedh, jallh naakenigujmie ektine mah maehtieh viehkiehtidh geerve sisvegem tjïelkestidh.

Mij demense gååvnese gaajhkine noerhtelaanten gïeline, julev-, noerhte- jïh åarjelsaemien jïh eengelsken gïelesne.

Mij demense lea evtiedamme jïh beetnehvierhtieh åådtjeme aktene laavenjostosne gaskem Nasjonal kompetansetjeneste for aldring og helse, Nordens velferdssenter (NVC), akte institusjovne Noerhtelaanti ministereraerien sosijaale- jïh healsoesuerkien sisnjelen jïh Saemiedigkie.

Åssjalommese jïh maanuse: Frode Kibsgaard Larsen, Lene Kristiansen jïh Martin Lundsvoll, Nasjonal kompetansetjeneste for Aldring og helse.

Web-evtiedimmie, hammoedimmie jïh animasjovne: Headspin AS

Tjoejestudioe: Nitro Sound AS

Jarkoestimmie: NVC lea viehkiehtamme noerhtelaanti gïelide jarkoestidh.  Semantix lea saemien jïh eengelske gïelem jarkoestamme.

Prosjektedåehkie: Noerhtelaanti teemaviermie demensen jïh evtiedimmieheaptoen bïjre NVC:sne.